За берберници и салони
Вашиот салон.Вашата апликација.Вашите правила.
ap.ments му дава на вашиот салон сопствена апликација за закажување, со вашето име, вашето лого и вашите цени. Клиентите закажуваат со неколку допири, а вие го водите целиот ден од телефонот.
За вашите клиенти.
Ова е делот што клиентот го гледа. Без обука, без јавување и без чекање одговор на порака.
Закажување во пет чекори
Избираат кај кого, кои услуги, ден и час, па потврдуваат. Тоа е целиот тек.
Потсетници што стигнуваат
Штом ќе го потврдите терминот, известување се испраќа ден претходно и уште едно еден час пред терминот. Без јавување и без заборавени термини.
Целата нивна историја
Идните и минатите термини на едно место, а откажување е можно само до рокот што вие го одредувате.
Прво разгледување
Услугите, цените, тимот и продуктите се отворени и без најава. Профил им треба само за закажување.
За вас.
Истата апликација, со дел за управување што клиентите не го гледаат. Не мора да учите втора програма.
Тимот и работното време
Додавате вработени и поставувате работни денови и часови за секој. Кој нема свои, го следи работното време на салонот.
Услуги, цени, времетраење
Групирани по категории, на македонски и на англиски, и ги менувате за неколку секунди.
Отсуства и паузи
Слободен ден, двонеделен одмор или иста пауза секој вторник. Календарот престанува да ги нуди тие термини.
Без термин и редовни клиенти
Закажувате за клиент што стои пред вас, или еднаш поставувате неделен термин што се повторува сам.
Кои се вашите клиенти
Список со пребарување, а зад секое име: број на посети, последна посета и колку пати не се појавил.
Денот, како што тече
Вашиот распоред или распоредот на кој било вработен, час по час.
Вашите правила.
Апликацијата се прилагодува на салонот, а не салонот на неа. Три поставки што ги менувате кога сакате:
Надомест за непојавување
Поставувате износ што се појавува при следната посета на клиентот.
Неделно ограничување
Ограничувате колку термини клиентот може сам да закаже во една недела. За вас нема ограничување кога закажувате наместо него.
Рок за откажување
Одредувате колку доцна е предоцна за откажување. За вашите вработени не важи.
Само си работи.
Она што инаку некој мора да го памети:
Потсетниците
Се испраќаат сами штом ќе го потврдите терминот, без вие да правите ништо.
Редовните термини
Неделниот клиент си го задржува часот. Кога ќе го прекинете, следните недели се ослободуваат, а минатите посети остануваат.
Завршените термини
Потврдените термини сами преминуваат во завршени штом ќе помине часот.
Празниците
Државните празници на вашата земја сами влегуваат како неработни денови.
Вашиот бренд.
Вашето лого и вашето име во App Store и Google Play. Апликацијата е ваша, а не именик во кој сте наведени меѓу конкурентите.
Сè е на македонски и на англиски: апликацијата, известувањата, па и текстот што вие го пишувате: имињата на услугите и категориите, описите на услугите и продуктите, и адресата на салонот. Клиентот избира на кој јазик ја гледа.
Веќе работи
Toti's Barbershop, Струмица
Екраните низ оваа страница не се макети. Доаѓаат од салон што работи со апликацијата секој ден.
Како започнува.
Нема регистрација и нема формулари. Салонот го поставуваме ние.
Разговор од 30 минути
Ни покажувате како работи салонот. Ви кажуваме искрено дали ова ви одговара.
Ние го поставуваме
Ги внесуваме тимот, услугите, цените и работното време заедно со вас.
Апликацијата излегува
Се објавува под вашето име и клиентите почнуваат да закажуваат.
Прашања.
Колку чини?
Зависи од големината на салонот и од бројот на вработени, па цената ја кажуваме на разговорот наместо да погодуваме овде.
Дали клиентите плаќаат преку апликацијата?
Не. Цените се прикажани за да нема изненадување, но плаќањето останува во салонот, како и досега.
Може ли клиентот да го помести терминот?
Го откажува и закажува повторно, во рокот што вие го одредувате. Нема копче за поместување.
iPhone или Android?
И двете.
На кои јазици?
Македонски и англиски, насекаде, вклучувајќи го и текстот што вие го пишувате.
Чии се податоците и кој ги гледа?
Податоците на вашиот салон се ваши и во апликацијата нема ништо што ги брои вашите клиенти за рекламна мрежа: нема рекламни алатки, нема следење за реклами и ништо не се продава. Тоа што објавените верзии го испраќаат е техничко и оди до Expo, за да го поправиме тоа што не работи: паѓања, колку време се исцртува екранот и кој екран бил отворен. Политиката на приватност точно кажува што опфаќа тоа.
Веќе закажувам преку Instagram.
Тогаш веќе знаете колку ве чини тоа: пораките, двојно закажаните термини и оние што не се појавуваат. Ова го става истиот разговор во календар што одговара и во два часот наутро.
Закажете разговор.
Половина час, без презентација. Донесете ги прашањата на кои оваа страница не одговори.
Или пишете преку формуларот